Хүслийн зүйл: National Geographic сэтгүүлийн 128 жилийн инфографик бүхий ном
Taschen хэвлэлийн газраас
Дэлхий ертөнцийн баялаг түүхийг судлаж, хүмүүст түгээн дэлгэрүүлдэг National Geographic сэтгүүл 1888 онд анхны дугаараа гаргаж байсан билээ. Энэхүү сэтгүүл нь дэлхийн 30 гаруй оронд хэвлэгдэн гардаг бөгөөд бидний амьдарч буй дижитал эрин үед ч эрчээ алдалгүй оршин тогтносоор байна. Тэд шинжлэх ухаан, сэтгүүл зүй хоёрыг өндөр түвшинд нэгтгэсэн гайхалтай дүрслэл, чанартай зургууд төдийгүй инфографик мэдээллээрээ алдартай. Хүний анатомийн бүтцээс эхлээд сансрын төхөөрөмж хүртэл бүх зүйлсийг тоон мэдээллээр дамжуулан тайлбарладаг National Geographic сэтгүүл Taschen хэвлэлийн газартай хамтран өөрсдийн түүхэн дэх хамгийн шилдэг инфографик бүтээлүүдийг багтаасан номыг хэвлэн гаргажээ.
"National Geographic Infographics" номыг Amazon вебсайтаас 63 долларын үнэтэйгээр худалдан авах боломжтой.
