Мик Жаггер хоёр шинэ дуу, нэг клип гаргалаа
16 жилийн дараа
The Rolling Stones хамтлагийн дуучин Мик Жаггер хамгийн сүүлд 16 жилийн өмнө бие даасан цомгоо гаргаж байсан билээ. Тэгвэл саяхан домогт уран бүтээлч "London Lost", "Gotta Get a Grip" нэртэй хоёр шинэ дуугаа Beats1 радиогоор танилцуулсан байна.
Энэхүү хоёр дуу нь Их Британи ба АНУ-ын улс төрийн нөхцөл байдал болон эдгээр улсуудын хоорондын харилцааны тухай өгүүлжээ.
Түүнчлэн Мик Жаггер "Gotta Get a Grip" дууныхаа клипийг ч бас олны хүртээл болгоод амжлаа. Уг видео клипэнд "Girls" цувралын жүжигчин Жемайма Керк тоглосноор онцлог болжээ.