Ялагч нь Парис явах эрхтэй уран бүтээлийн уралдаан зарлагджээ

Парист очиж, тэнд өөрийн урлантай болж, өөрийн бүтээлээ туурвихыг хүсдэггүй уран бүтээлч гэж бараг үгүй. Тэгвэл уран зураг, медиа урлаг, уран баримал, өрөг урлаг буюу инстоляци чиглэлээр ажилладаг залууст ийм боломж олгох уралдааныг Монгол-Францын төвөөс зарлажээ. Уралдааны ялагч нэг хүн Парис хотноо дөрвөн долоо хоногийн турш үргэлжлэх "Artist in Residence" хөтөлбөрт хамрагдах эрхээр шагнуулна.

Уралдаанд ирүүлэх бүтээлийн сэдэв нь доорх арван үгнээс сэдэвлэсэн байх бөгөөд гуравдугаар сарын 3,4,7-ны өдрүүдэд Блью Мүүн арт галерейд хүлээн авах юм байна. Сонирхсон хүмүүс Монгол-Франц төвийн цахим хуудаснаас дэлгэрэнгүй мэдээллийг аваарай. 

Бүтээл сэдэвлэх арван үг

1. Chafouin (ine) - Зальжин хүн (нэр үг) Францаас гаралтай үг
2. Champagné - Нөлөө бүхий хүн (нэр үг) Конго улсаас гаралтай үг
3. Dépanneur - Хувийн жижиг мухлаг (нэр үг) Канадын Кебек мужаас гаралтай үг
4. Dracher - Бороо цутган орох (үйл үг) Бельгиэс гаралтай үг
5. Fada - Галзуу, солиотой (тэмдэг нэр) Францаас гаралтай үг
6. Lumerotte - Бүүдгэр гэрэл (нэр үг) Бельгиэс гаралтай үг
7. Poudrerie - Цасаар шуурах (үйл үг) Канадын Кебек мужаас гаралтай үг
8. Ristrette - Өтгөн кофе (нэр үг) Швейцараас гаралтай үг
9. Tap-tap - Хүн тээврийн жижиг тэрэг (нэр үг) Гайтигаас гаралтай үг
10. Vigousse - Чадалтай, тэсвэртэй (тэмдэг нэр) Швейцараас гаралтай үг