Хайх

Бюро 24/7 тойм: Public School, pre-fall 2017

Бюро 24/7 тойм: Public School, pre-fall 2017

Спорт хэв маягт оруулсан торго ба жаккард

Text: Buro.Mongolia


Зураг:

Public School брэндийн дизайнер Максвелл Осборн, Дао-И Чоу нар шинэ цуглуулгыг бүтээхдээ маш олон төрлийн, сонирхолтой стилист ажиллагаа хийсэн байна. Тэд жаккард материалтай топыг хоолойтой цамцтай давхарлаж, газар хүрсэн урттай алтлаг даашинзыг пүүзтэй хослуулж, тэгш бус хэмтэй даашинзыг өргөн эсгүүртэй урагдсан жийнсэн өмдөн дээгүүр өмсүүлжээ.

Дизайнерууд жаккард, торго, даавуу, жийнс ба торон нэхээс гэх зэрэг олон төрлийн материалыг хооронд нь хольж, цуглуулгадаа энгийн ба тансаг хэв маягийг уусган оруулсан байв. Тэд мөн спорт сэдвийг хүчтэй хөгжүүлсэн нь зөвхөн пүүз гэлтгүй мөн хувцаснууд дээрх судалтай хээтэй эмжээрээс анзаарагдана.

Цуглуулга ерөнхийдөө алтлаг ба хар гэх хоёр үндсэн өнгөн дээр суурилж, цөөн хэдэн гүн цэнхэр, бор, хар саарал ба цагаан өнгийн элементүүд агуулсан байлаа.

цааш үзэх