Массимо Жоржетти Emilio Pucci-гээс гарлаа
Бүтээлч захирлын суудалд хоёр жил ажилласны эцэст
Өчигдөр Emilio Pucci загварын ордны төлөөлөгчид албан ёсны мэдэгдэл хийж, брэндийн бүтээлч захирал Массимо Жоржетти албан тушаалаа орхих болсныг мэдэгдлээ. Энэхүү шийдвэрийг дизайнер болон LVMH-ийн удирдлага харилцан тохиролцсоны улмаас гаргажээ. Жоржеттигийн хэлж буйгаар тэр өөрийн MSGM брэнд дээр бүх л анхаарал ба цаг завыг зарцуулахыг хүссэн тул ийнхүү Emilio Pucci ордныг орхих болсон байна.
Массимо Жоржетти MSGM брэндийг 2008 онд үүсгэн байгуулсан бөгөөд 2015 онд тэрбээр Emilio Pucci ордны бүтээлч захирлын суудалд очсон юм.