Майкл Жексоны охин, Милли Бобби Браун нар Calvin Klein-ы сурталчилгаанд
Цуврал сурталчилгааны сүүлийн хэсэг
Calvin Klein брэнд Our Family хэмээн нэрлэгдсэн цуврал сурталчилгааныхаа сүүлийн хэсгийг танилцууллаа. Энэ удаагийн зураг авалтад Майкл Жексоны охин Пэрис Жексон, загвар өмсөгч Лулу Тенни болон "Stranger Things" цувралын жүжигчин Милла Бобби Браун нар оролцжээ. Цагаан, улаан ба цэнхэр өнгөөр хувцасласан эдгээр залуу охид сурталчилгааны өмнөх хэсгүүдийн зураг авалтууд хийгдсэн алдарт модон саравч дотор зургаа даруулсан байна. Сурталчилгааг загварын зурагчин Вилли Вандерперре хариуцан ажилласан юм.
Кардашьян-Женнер гэр бүл, Синди Кроуфордын хүүхдүүд, дуучин Солланжийн хамтлагийн гишүүд гэх зэрэг өмнөх хэсгүүдийн гол дүрийн баатруудтай харьцуулбал Милли, Лулу ба Пэрис нарыг гэр бүл гэж хэлэхэд хүндрэлтэй. Гэхдээ тэд саяхан The XX хамтлагийн видео клипэнд тоглосон учир ийнхүү хамтдаа сурталчилгаанд оржээ.
