Vetements зурхайн орд бүрт зориулсан борооны цув гаргалаа
Таны ордыг брэнд хэрхэн тодорхойлсон байна вэ?
Matches Fashion дэлгүүрийн вебсайт дээр Vetements брэндийн 12 төрлийн борооны цув тавигджээ. Шинэ цуглуулгын цув бүр нийт 12 зурхайн ордуудад тус бүрт нь зориулагдсан байна. Шинэ цувны нүүрэн хэсэгт тухайн зурхайн ордны латин хэл дээрх нэр бичигдсэн бол, нурууны хэсэгт ордны онцлох шинж чанарууд хэвлэгдсэн байгаа. Тухайлбал "Загас бол зурхайн арванхоёр дахь буюу сүүлийн орд. Тэд нөхөрсөг, өөрийгөө бус бусдыг нэн тэргүүнд тавьдаг, үргэлж бусдад туслахад бэлэн байдаг" хэмээн Vetements тодорхойлжээ. Түүнчлэн цувны юүдэн дээр шар өнгийн Vetements лого байршсан харагдана.
Шинэ цувыг 240 еврогоор (ойролцоогоор 692,000 төгрөг) худалдан авах боломжтой.
