Лондонгийн эрэгтэй загварын долоо хоног, хавар-зун 2017: Street style
Ойлгомжгүй үе
Яг одоогийн байдлаар загварын салбарт ойлгомжгүй уур амьсгал ноёрхож байна. Сүүлийн хэдэн улирлын турш загварын ертөнц дэх үндсэн систем бат бөх байдлаа алдаж, "see-now-buy-now" буюу шинэ загварыг танилцуулсан даруйд нь борлуулалтад гаргах давлагаа хүчээ авсан. Тиймээс энэ жилийн загварын долоо хоногуудын хуваарьт нэлээд их өөрчлөлт орлоо. Лондонгийн загварын долоон хоногийн хуваарьт жил дараалан багтдаг байсан Burberry, Alexander McQueen, Pringle of Scotland, Gieves & Hawkes, Moschino, 1205, Kilgour гэх зэрэг брэндүүд энэ жил өөрсдийгөө хуваариас татан буулгасан байгаа. Эдгээр брэндүүдийн ихэнх нь шинэ систем рүү шилжих зорилгоор ийм шийдвэр гаргажээ.
Юутай ч дөрвөн өдрийн турш үргэлжлэх Лондонгийн загварын долоо хоног хоосон үлдсэнгүй. Дэлхий даяар алдар нэр багатай ч, Англи улсдаа үйл ажиллагаагаа явуулаад удаж байгаа уугуул брэндүүд өөрсдийнхөө шинэ цуглуулгыг танилцуулаад авсан байна. Харин тэр хойгуур Лондонгийн гудамжинд юу өрнөснийг доор зургуудаас сонирхоно уу.
