Парисын кутюр загварын долоо хоног, намар-өвөл 2016: Street style. Хоёрдугаар хэсэг
Хоёр дах өдөр
Street style цувралынхаа өмнөх дугаарт дурдаж байсанчлан сүүлийн хэдэн өдрүүдэд Парис хотын цаг агаар манай Улаанбаатар хотынхтой тун төстэй байна. Тиймээс кутюр загварын долоо хоног дээр хүрэлцэн ирсэн зочдын хувцаслалтаас санаа авахыг санал болгож байна
Кутюр шоу үзэхээр Парист цугларсан загварлаг бүсгүйчүүдээс санаа авах зүйл олон бий. Тэдний сонгосон гялалзсан чимэглэлтэй хувцас, халат маягийн цув, намирсан өргөн өмд, том давалгаатай хуниас, хөлд эвтэйхэн гутал зэрэг нь энэ зуны хамгийн гол чиг хандлагууд юм. Хэрвээ та бидний бэлдсэн street style сурвалжлагын зургуудыг сайтар анзаарсан бол ихэнх бүсгүйчүүд өндөр өсгийтийн оронд хөлд эвтэйхэн лофер, угладаг гутал ба кет өмссөн байгаа. Энэ нь орчин үеийн бүсгүй илүү өөртөө итгэлтэй ба ажил хэрэгч болж, ганган гэхээсээ илүү биед эвтэйхэн байдлыг эрхэмлэх болсны тод жишээ юм.
