Кендалл Женнер дахин нэг удаа байшингаа солилоо: Дэлгэрэнгүй зургууд
8.5 сая долларын үнэтэй Беверли Хиллз дахь байшин
Trulia вебсайтын мэдээллэж буйгаар Кендалл Женнер зургаадугаар сард нүүж орсон байшингаа сольж, Беверли Хиллз хотод байрших 8.5 сая долларын үнэтэй шинэ үл хөдлөх хөрөнгө худалдан авсан байна. Нийт 615.5 м2 талбайг эзлэх загвар өмсөгчийн шинэ байшин нь испани хэв маягаар дотор заслаа шийдсэн бөгөөд өмнө нь жүжигчин Чарли Шинийн эзэмшилд байжээ.
Кендалл энэхүү байшинг худалдаж авах болсон үндсэн шалтгаануудын нэг бол юуны түрүүнд ойр орчны аюулгүй байдал юм. Шинэ байшин Mulholland Estates гэх бүхэлдээ хашаа, харуулаар хүрээлэгдсэн тансаг зэрэглэлийн суурин газар байршдаг байна. Аливаа папарацци, шүтэн бишрэгчдээс хол, тайван амьдрах боломж бүрдүүлсэн энэ байшин нь дотроо таван унтлагын өрөө, зургаан угаалгын өрөө, усан оргилуур, гэрийн кино театр, усан сан, спа, теннисний талбай болон хүүхдийн тоглоомын талбай агуулдаг гэнэ.
