Амралтын дараа ажилдаа хэрхэн дасах вэ

Амралтын дараах "хямрал" гэдэг зүгээр нэг эд биш. Нарлаг сайхан газраас оффисын хиймэл гэрэлд эргэн очих, зуны чөлөөт хувцаснаасаа салан дадал болсон дресс-коддоо эргэн орох, наранд борлосон хөгжилтэй найз нарынхаа оронд ажилдаа түүртсэн хүмүүсийг харах нь хүндхэн шалгалт гэдгийг ямар ч сэтгэл зүйч хэлээд өгнө. Амралтын дараа таны амьдралыг хөнгөлж, сэтгэлийг чинь өргөхөөр хэдэн зөвлөгөө санал болгоё.

Явахын өмнө амжуулах ажил

Эхлээд тайван, тухтай амрахын тулд ажил болон гэртээ хуримтлагдсан, зайлшгүй хийгдэх зүйлдээ бага ч гэсэн цаг гаргаад цэгцлээд ав. Их цэвэрлэгээ хийх, хойшлуулаад байсан бичиг баримтаа цэгцлэх талаар л энд ярьж байгаа юм. Эдгээр дуусгаж амжаагүй ажлууд амрахаас өмнөх асуудал болог. Хэрэв тэднийг амралтаас өмнө амжуулчих юм бол нөгөө л хуучин тавгүйтүүлж байсан зүйлдээ эргэн орох нь гэх гунигтай бодол дахиад төрөхгүй нь лавтай.

Ажилдаа эргэн орсон эхний өдрүүдийг баяр болгочих

Ажилдаа өөдрөг сэтгэлтэй очих хэрэгтэй. Амралтаас авчирсан амтат "олзоо" ажлынхантайгаа хуваалцан, онцгой өглөөний хоол яагаад бэлтгэж болохгүй гэж. Танаас гадна хажуугийн хүмүүсийн сэтгэл санаа өөдрөг, сайхан байх ёстой биз дээ. Очсон газраасаа бэлэг дурсгалтай ирвэл мөн догь оо. Харин соронзонтой сувенир хэрэггүй л болов уу... Дээр нь амралтын зургуудаа нэгтгэж, бэлдчихээд найз нарыгаа оройн хоолонд урьж ч болох юм. 

Шууд ухаангүй зүтгээд хэрэггүй

Ажлаа өөрийн хийх дуртай зүйлээс эхлэ. Тэгвэл амралтын баяраас хөдөлмөрийн хэмнэлд шилжих нь аажим, мэдэгдэмгүй байх болно. Амралтын үеэр хуримтлагдсан бүхнийг шууд хийнэ гэж зүтгээд хэрэггүй. Бодол санаа болон биедээ эргээд зохицох цаг өгөх хэрэгтэй. Илүү их яарлаа гээд уул шиг өндөр үр дүн гаргах нь юу л бол. Харин улам бужигнуулаад, илүү ажил гаргачих ч юм бил үү. Ажлынхаа хэмнэлд ороод ирэхээр та аяндаа бүгдийг амжина. Харин хэдхэн хормын дотор үр дүнд хүрэхгүй. Дарга, ажлынхан чинь адилхан хүн л болсон хойно таныг ойлгоно. Ер нь энэ бүгдийг тэд ч бас туулсан байгаа шүү дээ.  

Лайфхакийг ашигла

Ажлаа үр дүнд хүргэх олон ашигтай зөвөлгөөнүүд бий. Цагийн-менежмент, стратегийн төлөвлөлт хийх үндэстэй танилцахыг би танд зөвлөж байна. Эдгээр мэдлэгийг ашигласнаар та ажлын үр дүнгээ нэмэгдүүлэхээс гадна өөрийн түгшүүрээс сална. Үүний тулд хийх ёстой ажлынхаа жагсаалтыг гаргаад, тэднээс шийдэж, гавъяа байгуулсан болгоныг  хасаад явах ёстой юм л даа. Нэг л мэдэхэд бүх хийх зүйл дуусч, та өөрийн эрхгүй өөрөөрөө бахархах дүүрэн сэтгэгдэлтэй байх болно. 

Бүхнийг сана

Амралт өнгөрлөө гэж гуниглахын оронд тааламжтай агшнуудаа дурсан сана. Гэрэл зургийн цомог хийхээр бэлтгэх, Instagram дахь амралтын зургуудаа эргэн хар. Тэр зургууд чинь аз, баяр хөөрөөр цэнэглэгдсэн байгаа гэдэгт итгэж болно. 

Дараагийнхаа аян замыг төлөвлөөд эхлэ

Нэг бүрчлэн төлөвлөх нь ч юу юм бэ. Тэгэхдээ л, ямар ч байсан дараагийн удаа явах чиглэлээ тогтоогоод авчих. Заримдаа аян зам, адал явдлыг хүлээх нь түүнийг хийхээс илүү кайфтай болгодог. Эсвэл амралтын өдрүүдээр хотын ойролцоох  газруудаар яваад ирэхэд яагаад болохгүй гэж. Ийм мини амралт бас бүхэл бүтэн адал явдал ч болж болно. 

Оффист бүү шингэ

Амьдрахын тулд ажиллаж байгаагаа бүү март. Заримдаа энэ тэнцвэр алдагдаад ирэх үе бий. Ажлын мэйл хаяг гар утастай холбоотой, ажлын асуудал дэлхий ертөнцтэй холбогдох бүх л сүлжээ, хэрэгслээр ундраад л. Хувийн болон хувьсгалын ажил зэрэгцэн урсаад л. Гэтэл бид ажлын болон хувийн амьдралаа сайтар ялгаж өгсөн байх ёстой. Мөн гэр орон, найз нөхөдтэйгөө уулзахад ч цаг үлдээх ёстой. Мэдээж, өөрийгөө мартах хэрэггүй. Өөрийн дуртай зүйлс, хоббиндоо зарцуулах цаг гаргах хэрэгтэй. Мэдээж таны амралтаараа хуримтлуулсан эрч хүч хийхээр төлөвлөсөн бүх төлөвлөгөөг тань хэрэгжүүлэхэд туслах нь лавтай.