Бюро өдөр тутам: Өнөөдрийн онцлох үйл явдлууд
2016 оны арваннэгдүгээр сарын 8
Улаанбаатар хотод өдөртөө -2 хэм, шөнөдөө -15 хэмийн хүйтэн хононо гэж Ус цаг уур, орчны судалгаа мэдээллийн төвөөс мэдэгдсэн байна. Үсээ тайруулах буюу засуулбал нас уртасна гэж дорнын зурхайд тэмдэглэжээ.
• Өнөөдөр буюу арваннэгдүгээр сарын 8-нд Улаанбаатрын цагаар 13:00 цагт АНУ-д 45 дах ерөнхийлөгчөө сонгох сонгууль эхэлнэ. Сонгуульд ойролцоогоор 120 сая америкчууд саналаа өгнө гэж судлаачид таамаглаж байна. Ерөнхийлөгчийн сонгуулийн үр дүн монголын цагаар арваннэгдүгээр сарын 9-ны үүрээр тодорхой болох юм.
• Монгол улстай холбоотой цахим мэдээлэл дунд Монголын хөлбөмбөгийн шигшээ баг өнгөрсөн ням гарагт Шри Ланкийн багийг 2:0-ын харьцаатай хожсон тухай мэдээлэл Foxsportasia сайтад гарчээ. Лаос улсад болж буй "Solidarity Cup" тэмцээнд оролцож байгаа манай улсын баг энэхүү хожлын оноогоор хагас шигшээд шалгарах боломж хадгалагдан үлдэж байгаа аж.
• Энэ өдөр Mary J Blige - Thick of it дуугаа, Greenday хамтлаг Still Breathing синглээ, Alicia Keys - Holy war гэх видео клипээ танилцууллаа.