Хайх

Mongolia
Mongolia

Дуучин Лана Дель Рейг хулгайлахыг оролджээ

Гэхдээ одоо бүх зүйл хэвийн

Дуучин Лана Дель Рейг хулгайлахыг оролджээ

Өчигдөр дуучин Лана Дель Рейг АНУ дахь аялан тоглолтынхоо хүрээнд Орландо хотын Amway Center-т дуулж байх үеэр тус хотын цагдаагийн албаныхан нэгэн эрэгтэйг баривчилсан байна. Тодруулбал өдгөө 43 настай Майкл Хант гэх этгээд дуучин Лана Дель Рейг мөшгөж байсан бөгөөд түүнийг хулгайлахаар зэхэж байсан гэж Орландогийн цагдаагийн газар үзжээ. Ингээд ч зогсохгүй Майкл Хантыг баривчлах үед тэрээр хутга биедээ авч явж байсныг албаныхан онцолсон байна.

Өмнө нь уг этгээд нь олон нийтийн сүлжээгээр дуучин бүсгүйд хандан заналхийлсэн постуудыг нийтэлж байсан учир цагдаагийн албаныхан ийнхүү шуурхай арга хэмжээ авчээ.

Энэ үйл явдлын дараа Лана Дель Рей албан ёсны Twitter хуудсаараа дамжуулан бүх зүйл хэвийн гэдгийг мэдэгдэж, зурвас илгээсэн бүх хүмүүст талархал илэрхийлсэн байна. Мөн тэрээр тоглолтынхоо үеэр дуулсан "God Bless America-And All The Beautiful Women in It" дууныхаа хэсгээс нийтэлжээ.

Бюро 24/7

  • Зураг:

Сэтгэгдэл бичих

Цааш үзэх