Бюрогийн найзууд: The Colors хамтлагийн ахлагч Г.Тогтууны дуртай зүйлс
@togtuujin
Хүмүүсийн дотоод ертөнцийг юу хамгийн ихээр урамшуулж, онгод хайрласан тухай Бюро 24/7 үргэлж бичдэг. Тэгвэл бид өнөөдрөөс эхлэн салбар бүрээс бүтээлч, авьяаслаг хүмүүсийг зочноор урьж, дуртай зүйлсийнх нь жагсаалтыг уншигчидтайгаа хамтдаа сонирхохоор боллоо
The Colors-ын дуунуудад дуртай юу? Эрч хүчтэй, сэтгэл сэргээсэн аялгуутай дуунууд нь ямар ч насны хүнд залуу, гэгээлэг мэдрэмж төрүүлдэг. Инди рок, алтернатив урсгалаар тоглодог The Colors хамтлаг анхны "Өнөөдөр хэдэн он бэ ноён тагтаа" нэртэй цомгоо 2014 оны сүүлээр гаргаж, хөгжмийн ертөнцөд өөр өөр урсгал, жанраар бүтээсэн есөн дуугаа бэлэглэсэн билээ. 2015 оны хувьд тус хамтлаг MTV.ru сувагт Mind Oddity дууны клипээ өгч, Владивостик хотод зохиогдсон V-Rox фестивальд оролцсон юм. Харин энэ жилийн хувьд тус хамтлаг студийн хоёрдах цомгоо гаргахаар ажиллаж байна. Тэгэхээр бусдаас өвөрмөц, өөрийн гэсэн онцгой чанартай уран бүтээл туурвидаг The Colors-ын хамтлагийн ахлагч өөрөө юунд дуртайг хамтдаа харцгаая.
