Instagram дахь залхмаар найзуудынхаа постуудыг хэрхэн харахгүй байх вэ?

Өчигдөр Instagram олон нийтийн сүлжээ нэгэн шинэ үйлдэл нэвтрүүлсэн байна. Тодруулбал одооноос эхэлж таныг залхааж буй найзыгаа дагахаа болихгүйгээр түүний нийтэлсэн зураг ба "Stories"-ыг харахгүй байх боломжтой боллоо.

Тухайн хүний постуудыг харахгүй байхын тулд түүний хуудас руу орж, баруун дээд буланд байрлах "Mute" гэх товчлуурыг дарахад л хангалттай. Ингэснээр та тухайн хүний постуудыг харахгүй байх ч үргэлжлүүлэн түүнийг дагасан хэвээр байх бөгөөд таныг ямар нэг зураг эсвэл постын сэтгэгдэл дээр тэмдэглэсэн тохиолдолд танд анхааруулга ирнэ.

Хамгийн гол нь таныг тухайн хүний постуудыг харахгүй байх үйлдэл хийснийг найз тань олж мэдэхгүй.