Хайх

Тансаг зэрэглэлийн брэндүүд цаасан хэвлэлээс илүү дижитал сурталчилгааг сонгох болжээ

2013 онтой харьцуулахад онлайн сурталчилгаа 63% өссөн байна

Тансаг зэрэглэлийн брэндүүд цаасан хэвлэлээс илүү дижитал сурталчилгааг сонгох болжээ

Text: Бюро 24/7

The Wall Street Journal сонины мэдээллэж буйгаар 2016 оны байдлаар тансаг зэрэглэлийн брэндүүд нийт нэг тэрбум долларыг дижитал төсөлд зарцуулсан байна. 2013 онтой харьцуулбал онлайн сурталчилгаанд зарцуулсан мөнгө 63% өсч, харин цаасан хэвлэлийн сурталчилгааны зардал 8% буурчээ.

Үүний нэг тод жишээ нь Gucci брэндийн бугуйн цагны сурталчилгаа юм. Тус брэнд @beigecardigan, @textsfromyourexistentialist, @siduations зэрэг Instagram хуудсуудтай хамтарч #TFWGucci нэртэй аяны хүрээнд цуврал меме зургууд гаргасан билээ.

Тансаг зэрэглэлийн автомашин, гоо сайхан ба сүрчигний брэндүүд 2016 онд нийт сурталчилгааны төсвийнхөө 30%-ийг онлайн хэвлэлүүдэд зарцуулсан гэх тоо баримт гарчээ. Тэгэхдээ дижитал сурталчилгааны эрэлт өссөн ч цаасан хэвлэл оршин тогтносоор байна. Тухайлбал цаг ба үнэт эдлэлийн брэндүүд 2016 онд сурталчилгааны төсвийнхөө 73%-ийг цаасан сэтгүүлүүдэд зарцуулжээ.

  • Зураг:
Цааш үзэх