Парисын эрэгтэй загварын долоо хоног, хавар-зун 2017: Street style. Нэгдүгээр хэсэг
Bonjour!
Миланы араас Парисын эрэгтэй загварын долоо хоног эхэлж, street style зурагчид Францын нийслэл хотын гудамжаар камераа барин завгүй гүйлдэж байна. Эхний гурван өдрийн хугацаанд тэдний дуранд ямар төрхүүд өртсөнийг сонирхоцгооё
Одоогийн байдлаар Парисын цаг агаар эрэгтэй загварын долоо хоногийн зочдыг огтхон ч зовоосонгүй. Өдөртөө хамгийн ихдээ +25, харин шөнөдөө +20 хэмтэй байгаа тэрхүү хэт халуун эсвэл хэт хүйтэн биш төгс орчинд зочид хүссэнээрээ хувцаслах боломжтой байна. Бүсгүйчүүд пижам загварын даашинз, кимоно хүрэм өмсөж, харин эрчүүд хамгийн сүүлийн үеийн гол тренд болох олон давхарлах арга барилыг идэвхтэйгээр хэрэгжүүлсэн байлаа. Тодруулбал тэд хамгийн энгийн цагаан эсвэл хар өнгийн футболк дээр илгэн материалтай хүрэм, хөнгөн цув эсвэл бомбер өмссөн байв. Харин зарим эрчүүд энэ улиралд ноёрхож байгаа куба захтай цамцаар гоёсон харагдлаа.
