2021 оны 4 гол үс засалт
Мэргэжилтнүүд онцолж байна
КАРАНТИНЫ ЧЁЛК
Хэрвээ чёлк тавихаар бодож байсан бол одоо л яг цаг нь ирлээ. Хавар-зун 2021 улирлын бараг л бүх загварын шоунууд дээр чёлкний аль нэг төрөл үзэгдсэн гэж хэлж болно. Хамгийн классик буюу Жейн Биркин, Брижитт Бардот нарын домогт замбараагүй чёлк, эсвэл нүд давсан урт чёлк, бичил чёлк, эсрэгээрээ хэтэрхий өтгөн чёлк гээд сонголтын хувьд маш өргөн байгааг Hermès, Balenciaga, Prada болон Paco Rabanne брэндүүдээс харж болно.
ҮСНИЙ АКСЕСУАР
Yohji Yamamoto-н драматик өд, Chanel-н торон чимэглэл, Dolce & Gabbana-н цэцгэн тюрбан, Giambattista Valli- н эрдэнийн чулуунуудтай обруч, Simone Rocha-н сувднууд, Acne-н болор чулуунууд гээд байж болох бүх төрлийн үсний чимэглэлүүдийг дизайнерууд онцолж байна. Сонголтоо хийх л үлдлээ.
НОЙТОН ҮСНИЙ ЭФФЕКТ
Одоо ингээд харахад нэгэн үед шинэ трендээр тооцогдож байсан нойтон мэт харагдах үс засалт нэгэнтээ хуучрашгүй, классик шийдэл болжээ. Givenchy хойш самнасан, Chloé бага зэрэг замбараагүй засалттай, харин Acne Studios үл ялиг долгионтой нойтон үсийг онцолсон байна.
ЦЭГЦТЭЙ ҮС ЗАСАЛТ
Голоор нь тэнцүү, эсвэл аль нэг тал руу нь далий хуваасан цэгцтэй үсийг Hermès, Louis Vuitton, Chanel орднууд санал болголоо. Маш эмэгтэйлэг, цэмцгэр бөгөөд эрхэмсэг байдлыг илтгэх болно.
