"Амьдралд юу өнгө нэмдэг вэ?": The Colors хамтлаг, зурагчин Ё.Чанцалдулам, стилист Ж.Буянхишиг нарын бүтээлч ажил
Бүтээлч, өнгөлөг зураг авалт
Гэрэл зурагчин Ё.Чанцалдулам, стилист Ж.Буянхишиг нар The Colors хамтлагтай хамтарсан ээлжит бүтээлч ажлаа Бюро 24/7-д илгээлээ. Олон өнгө холилдсон, ретро уур амьсгалтай атлаа нэг харахад зүүд, үлгэрийн ертөнцөд очсон мэт сэтгэгдэл төрүүлэх зураг авалтыг тэд энэ удаад хийжээ. Гэрэл зургуудыг сайтар ажиглавал өнгө өнгийн оёдлын утсаар чимэглэж хатгасан нь харагдах ба тэд анхны дарсан гэрэл зургаа хэвлүүлэн ахин чимэглэж, дурандаа буулгасан нь энэ ажээ.
“Амьдралын туршид бид зөрөөд л өнгөрөх хэн нэгэн аль эсвэл амьдралынхаа бүхий л хугацааг хамт өнгөрүүлсэн ч харамсахааргүй олон төрлийн хүмүүстэй учирдаг. Бид тэрхүү нандин учралаа насан туршдаа хайрлан хамгаалдаг бол харин зарим зүйлстэй огт учраагүйсэн бол хэмээн харамсдаг. Гэсэн хэдий ч хайртай хүмүүсээрээ хүрээлүүлсэн цагт амьдрал өнгөлөг хэвээр байх болно” хэмээн гэрэл зурагчин Ё.Чанцалдулам, стилист Ж.Буянхишиг нар The Colors хамтлагтай хийсэн зураг авалтын гол санааг илэрхийлсэн юм.
Гэрэл зурагчин: Chayodu | Ё.Чанцалдулам
Стилист: Buyana | Ж.Буянхишиг
Нүүр будалт: Anara’S Makeup
Зураг авалтын туслах: Дөлгөөн
Туслах стилист: Б. Ану
Хамтран ажилласан: Zaya Tuvshinbat, Futuristic Type
