Хайх

Онцлох үйл явдал: Рэппер Ginjin-гийн \"Toos 2 Zoos\" тоглолт болох гэж байна

Онцлох үйл явдал: Рэппер Ginjin-гийн "Toos 2 Zoos" тоглолт болох гэж байна

Анхны бие даасан тоглолт

Text: Бюро 24/7


Шинэ мянганы уран бүтээлч залуусын туурвиж буй хөгжим Монголын урлагийн салбарыг доргиож, өөдрөг өнгө аяс нэмсээр байгаа билээ. Тэгвэл тэдний нэг болох рэппер Ginjin “Toos 2 Zoos” гэх анхны бие даасан тоглолтоо зохион байгуулах гэж байна

Рэппер Ginjin-гийн "Toos 2 Zoos" анхны цомгийн нээлтэд зориулсан бие даасан тоглолт болоход хэдхэн хоног үлджээ. Анх 2007 онд уран бүтээлээ танилцуулж байсан тэрээр дебют цомогтоо зориулан тоглолт хийх гэж буй энэ үйл явдал хип-хоп хөгжим сонирхогч залуусын хувьд жинхэнэ гэнэтийн бэлэг болоод байгаа билээ. Арваннэгдүгээр сарын 29-нд зохион байгуулагдах тоглолтод рэппер Ginjin уран бүтээлээ толилуулахаас гадна Vanquish, Big Gee, Vandebo, Mrs M, Choidog, UB Comedy болон бусад артистууд урилгаар тоглох юм. Түүнчлэн энэ үдэш LOI4IXCON crew-ийн 10 жилийн ойн баяр тохиож байгаа бөгөөд тэд уг тэмдэглэлт үйл явдалд зориулан шүтэн бишрэгчиддээ бүрэн бүрэлдэхүүнээрээ тоглолтоо хүргэхийн сацуу төрөл бүрийн merchandise худалдаалахаар болжээ.

Сонирхуулахад "Toos 2 Zoos" тоглолтын тасалбар 25,000₮ бөгөөд тасалбарыг shoppy.mn-ээс худалдан авах боломжтой юм. "Toos 2 Zoos" тоглолт арга хэмжээ нь энэ жилийн хамгийн сэтгэл догдлуулсан үдэшлэгүүдийн нэг байх болно гэдгийг зохион байгуулагчид онцолсон ба шилдэг артистуудын тоглолт, чанартай хөгжмийг нэг дор мэдрэхийг хүссэн хэн бүхнийг "Toos 2 Zoos" тоглолтод урьж байна.

Сэтгэгдэл бичих

цааш үзэх