Alexander McQueen-ийн амьд цэцэгс мэт аяллын цуглуулга
Resort 2020
Alexander McQueen загварын ордны бүтээлч захирал Cара Бертон 2020 оны аяллын цуглуулгаа танилцууллаа. Тэйлор хийцэд онцгой ач холбогдол өгдөг тэрээр энэ удаа торон чимэглэл, цацаг, хуниас зэрэг романтик элементүүдээр баялаг, амьд цэцэгсийг санагдуулам силуэт бүхий загваруудыг урлажээ. Бугенвиллея цэцгийг санагдуулам торон мини даашинз, савхин корсет ба торон хормойтой даашинз, савхин тэйлор хослол, хатгамлаар чимэглэсэн пиджак, цэрэг армийн уур амьсгалтай хүрэм, ил оёдолтой хослол зэрэг нийт 35 төрхөөс бүрдэх цуглуулгад улаан, ягаан, хар өнгө давамгайлсан байлаа. Харин аксесуарын хувьд өргөн бүс, арьсан tote, зузаан ултай гутал, жижиг гар цүнх зэрэг загваруудыг онцолсон юм.
