Билли Айлиш болон Такаши Мураками нар хамтарсан цуглуулга гаргана
Uniqlo-д зориулж
Японы котемпорари уран бүтээлч Такаши Мураками, дуучин Билли Айлиш нар хамтран Uniqlo-д зориулж футболканы цуглуулга гаргахаар боллоо. Uniqlo брэнд Takashi Murakami x Billie Eilish цуглуулгыг тохиолдуулан 3D зураглалтай аниме дүр бүхий бичлэгийг цацсан ба шинэ цуглуулга уран бүтээлчдийг өөр өнцгөөс харуулна гэдгийг онцлоод байгаа юм. Takashi Murakami x Billie Eilish цуглуулга тавдугаар сарын сүүлээр худалдаанд гарах ба залуусын дунд аль хэдийнэ хүлээлт үүсгээд эхэлсэн байна.
Сонирхуулахад, Такаши Мураками өмнө нь Билли Айлишийн "you should see me in a crown" дуунд зориулан анимейшн хэлбэрийн видеог зохион бүтээж байсан билээ. Такаши Мураками мөн өмнө нь Канье Уэст, Kid Cudi, Виржил Абло зэрэг уран бүтээлчидтэй хамтарч байсан ба орчин үеийн поп соёлын томоохон төлөөлөгчдийн нэг юм.