#MNTM: Даашинзгүй бүсгүйчүүдийн төгс бие галбир
Торгомсог
Хэрэв бид Mongolia's Next Top Model реалити шоу нэвтрүүлгийн өмнөх арван хоёр дугаарын зургуудыг эргэн харвал гол төлөв тэдний дур булаам царай санагдах болно. Хилэнц хорхой бүсгүйчүүдийн аймшиггүй зоригийг илтгэж, Хөвсгөлийн жавар тэсвэр хатуужлыг нь харуулж, үндэсний хувцастай сүү, тарагны сурталчилгаа тэднийг маш орчин үеийн, мэдрэмжтэй охид гэдгийг баталсан. Өчигдөр гарсан сүрчигтэй зураг авалт тэдний даашинзтай, тачаангуй төрхийг дэлгэсэн билээ. Тэгэхдээ л бид оролцогч охидын бие галбир гарсан зураг тийм ч олныг хараагүй. Харин энэ удаад тэд ямар согоо шиг сайхан биетэй болохыг харуулсан зураг авалт хийгдсэн байна.
Wolford брэндийн торгомсог шилэн оймснуудыг сурталчлах энэ дугаарын үндсэн зураг авалт охидод "Секси байж болохгүй" гэсэн хүндхэн сорилт даалгасан юм. Аз болж FREYWILLE брэндийн гоёмсог хээтэй алчуур болон үнэт эдлэл охидыг хэт тачаангуй төрх гаргахаас "аварч", эрхэмсэг төрхийг нь илүү цоглог болгож чимсэн байлаа. Ингээд шилдэг таван оролцогчийн зургийг хамтдаа харцгааж, өөрт хамгийн таалагдсан зурганд саналаа өгцгөөе!
