Архитектор Роберт Кониечни нарны гэрэл дагаж хөдөлдөг байшин бүтээлээ
"Quadrant House"
Контемпорари уран бүтээлүүдээрээ алдартай, KWK Promes архитектурын студийн үүсгэн байгуулагч Роберт Кониечни нарны гэрлийг дагаж хөдөлдөг террастай байшин бүтээлээ. Кинетик архитектурын аргаар баригдсан уг байшингийн террас хэсэг нь үндсэн хэсэгтэй нугасаар холбогдох ба суурь хэсэгт нь террасыг саадгүй хөдөлгөх зам суурилуулжээ.
Зочны өрөөнөөс cпа хэсэг рүү нарны гэрэл даган хөдлөх террасыг хөдөлгөгч систем нь бүрэн автомат бөгөөд шаардлагатай тохиолдолд гар аргаар удирдаж болохуйц байдлаар загварчилсан байна. "Quadrant House" хэмээн нэрлэсэн энэхүү төслийн бүтээлч санааг квадрант гэх эртний одон орончдын өнцөг хэмжих хэрэгслээс авсан болохыг Архитектор Роберт Кониечни онцолсон юм.
