Анжелина Жоли хүүхдүүдийнхээ хамтаар "Maleficent: Mistress of Evil" киноны нээлтэд хүрэлцэн ирлээ
Мөн Мишель Пфайфер, Эль Фаннинг болон бусад жүжигчид улаан хивсний ёслолд оролцжээ
Анх 2014 онд нээлтээ хийж байсан "Maleficent" киноны хоёрдугаар анги болох "Maleficent: Mistress of Evil" киноны албан ёсны нээлтийн арга хэмжээ өчигдөр Лос-Анжелес хотноо болж өнгөрлөө. Disney кино компанийн бүтээсэн тус кино нь 1959 дэлгэцнээ гарч байсан "Нойрсож буй гүнж" киноны шинэ хувилбар хэдий ч энэ удаад үйл явдлыг эсрэг дүрийн баатрын өнцгөөс харуулснаараа онцлог болсон юм.
Нээлтийн ёслолд гол дүрийн жүжигчин Анжелина Жоли хүүхдүүдийнхээ хамтаар хар өнгийн хувцсаар жигдрэн хүрэлцэн иржээ. Тэрээр Atelier Versace ордны урласан гялтганасан гадаргуутай хар өнгийн даашинз сонгосон байна. Анжелина Жолигоос гадна кинонд Аврора гүнжийн дүрийг бүтээсэн жүжигчин Эль Фаннинг болон Ингрит хатны дүрд тоглосон Мишель Пфайфер нар улаан хивсний ёслолд оролцжээ. Эль Gucci брэндийн намирсан ногоон өнгийн, цэцгэн чимэглэлтэй даашинзаар гоёсон бол Мишель Giorgio Armani ордны улаан хүрэн өнгийн сонгодог стилийн даашинз өмссөн харагдлаа.
"Maleficent: Mistress of Evil" кино 2019 оны аравдугаар сарын 18-нд Улаанбаатар хотын кино театруудаар гарч эхэлнэ.
