Фото сурвалжилга: Ухань хотын иргэд халдварт өвчнөөс хэрхэн сэргийлж байна вэ
Шинэ коронавирусын халдвар авсан хүмүүсийн тоо зургаан мянгад хүрээд байна
Нууцлаг шинэ коронавирусын дэгдэлт гарсан тухай Хятад улс мэдээллэснээс хойш сар гаруйн хугацаа өнгөрч, энэ хооронд зургаан мянга орчим тохиолдол бүртгэгдэж, 130 орчим хүн амиа алдаад байна. Шинэ төрлийн коронавирус (nCoV) нь амьсгалын дээд, доод замын эд эсийг гэмтээж, уушгины хатгалгаа үүсгэдэг ба уушгины хатгалгааг шууд үүсгэдэг учир томуугийн вирусын халдвартай харьцуулбал хоруу чанар их байх магадлалтай хэмээн эрдэмтэд үзээд байгаа юм.
Тэгвэл дэлхий даяараа уг халдвараас сэргийлж буй энэ үед Vox сэтгүүл хөл хорио тогтоогоод буй Ухань хотын иргэд халдварт өвчнөөс хэрхэн сэргийлж буйг харуулсан фото сурвалжилгыг бэлджээ.
Нэгдүгээр сарын 23-нд Хятадын эрх баригчид Ухань, Хуанган, Эжоу гэсэн хотуудад зорчихыг хязгаарласан бол хэд хоногийн дараа ойролцоох хот, аймгуудад ч бас хязгаар тогтоож, агаарын тээвэр болоод хот хоорондын нийтийн тээврийн хэрэгслийг түр зогсоогоод байгаа билээ. Халдварт өвчин илрэх үед өвчнөөс сэргийлэх зорилгоор "карантин" буюу хөл хорио тогтоох нь 1377 оноос хойш хэрэгжиж ирсэн, халдварт өвчнөөс сэргийлэх аргуудын нэг хэлбэр юм. Хөл хорио тогтоосон үед шаардлагагүй тохиолдолд олон нийтийн газраар явахаас зайлсхийж, дархлаагаа дэмжиж, эрүүл мэндийн байгууллагуудаас гаргаж буй зөвлөмжүүдийг дагаж мөрдөх нь чухал юм.
Ухань хот дахь шинэ эмнэлгийн барилгын ажил үргэлжилсээр. 1300 хүний ортой Ухань Лэйшеншань эмнэлэг ирэх долоо хоногт ашиглалтад орно.
Ухань хотын Хуанан далайн хүнсний захыг түр хаагаад байна.
