Киану Ривзийн үнсэлт, Ник Жонасын мэндчилгээ: 2019 оны шилдэг GIF зургууд
Giphy тавцан 2019 оны үр дүнгээ танилцууллаа
GIF зургууд бол универсал интернет хэл гэдэгтэй санал нийлнэ биз дээ? Поп соёлын салшгүй нэг хэсэг болсон GIF зургийн хамгийн том хайлтын систем болох Giphy тавцан 2019 оны хамгийн шилдэг зургуудыг шалгарууллаа. Тодруулбал хөдөлгөөнт зургийн Giphy тавцан өнгөрч буй онд хүмүүсийн хамгийн их бие, биедээ илгээж эсвэл хадгалж авсан буюу өөрөөр хэлбэл хамгийн их ашиглагдсан 10 GIF зургийг нэрлэсэн байна.
Жагсаалтад жүжигчин Киану Ривзийн "Always Be My Maybe" киноны хэсгээс авсан "агаарын үнсэлт" илгээж буй зураг, дуучин Ник Жонасын гараа өргөн мэндчилж буй зураг, алгаа ташиж буй өхөөрдөм туулай, уран бүтээлч Мия Пейжийн бүтээсэн тэврэлдэж буй хос зүрх, "Shameless" цувралын хэсэг, "Young Dumb & Broke" видео клипэнд бүжиглэж буй Халид зэрэг GIF зургууд дээгүүр байр эзэлжээ.
