Шинэ улирлын гол шоунуудын нэгийг өнгөрсөн үеийн алдарт модель Линейзи Монтеро нээлээ. Жейсон Вугийн сонгосон загвар өмсөгчид тайзан дээр цэцэг, хуниас болон арьс шир зэрэг өмссөнөөр гарч ирлээ
Жейсон Ву америкийн минималист уламжлалаас урам авсаар байна. Хэдийгээр түүний ашигласан хуниас, цэцгэн хээ, үслэг эдлэлийн оруулга, гэрэлтсэн даавуу болон богино тайрсан цацаг гэх зэргийн чимэглэлүүд таны анхаарлыг сарниулж болзошгүй ч, ерөнхий хэлбэрийн /силуэт/ хувьд ихэнх загварууд маш энгийн болсон. Үүний хамгийн тод жишээ нь арьсан эдлэлээр хийсэн хувцаснууд юм. Харин шүрэн өнгөтэй хөнгөхөн даашинзууд нь нарийн ажиллагаатай хуниаснуудаас бүтсэн бөгөөд бага зэргийн хөдөлгөөнд "амьсгалж" эзнээ амьд цэцэг мэт харагдуулж байв. Мөн хагас гэрэлтсэн хослол-даашинзуудыг Ву зах дагуу хийсэн хөнгөхөн атлаа хөвсгөр хуниас, богинохон цацаг болон олон давхарга даавуугаар өнгөлөн далдалжээ.
Харин зарим загварууд илүү илэн далангүй байлаа. Жишээ нь өргөн хар туузуудаас бүрдсэн даашинзын нарийхан ангархайнуудаар арьс гэрэлтсэн харагдана. Ву эмэгтэй биеийг минималист дизайнерын үзлээр маш дэгжин нүцгэлж, өөрийн хэв маягаа дахин нэг баталлаа.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт