Хэний ч хараагүй зүйл: Lancôme гортиг хэлбэрийн контур гаргалаа
Геометрийн хичээлээ санаж байна уу?
Косметик үйлдвэрлэгчид ихэвчлэн бүтээгдэхүүний өнгө, найрлага ба бүтэц дээр туршилт хийдэг. Харин бүтээгдэхүүний формат ба хэлбэрийг өөрчлөх зоригтой үйлдвэрлэгчид тун цөөхөн байдаг. Тэгээд ч ер нь бодоод үзэхэд нүдний тень ба уруулын будгийн үндсэн форматыг хэр их өөрчлөх боломжтой билээ дээ. Байж болох бүх хувилбарууд аль хэдийнэ зах зээлд нэвтэрсэн гэдэгтээ хүн бүр санал нэгдэх байх. Гэхдээ бидний дээр дурдсанчлан бусдаас өвөрмөц, шинэ санаа үүсэх гэнэтийн тохиолдлууд бас бий. Тухайлбал Lancôme брэнд өчигдөрхөн танилцуулсан гортигт хэлбэрийн контурыг хэн ч урьд өмнө нь харж байгаагүй гэдэгт бид итгэлтэй байна.
Шинэ бүтээгдэхүүний хамгийн гол онцлог нь түүний нугалардаг их биед оршиж байгаа юм. Контурын үзүүр хэсэг 35 градус хөдлөх чадвартай болсны ачаар хэрэглэгчдэд нүдээ будахад хэд дахин хялбар болсон байгаа. Гортиг будгийн тусламжтайгаар контурыг ямар ч өнцгөөс, хүссэн налуугаараа зурах боломжтой болсон. Grandiose Liner контур нь нүүрсэн хар, сафир цэнхэр, бараан бор гэх гурван төрлийн матт өнгөний сонголттойгоор худалдаанд гарсан байна.
