Дэвид Линч хөгжмийн наадам зохион байгуулна

Домогт найруулагч Дэвид Линч "Festival of Disruption" нэртэй хөгжмийн наадам зохион байгуулах гэж байна. Тус наадам аравдугаар сарын 8-9-ний өдөр Лос-Анжелес хотод болох юм. Наадамд дээр дурдсан уран бүтээлчдээс гадна St. Vincent, Questlove, Роберт Плант ба Жон Хопкинс нар нэмэгдэнэ. Энэхүү наадамд дуу хөгжмөөс гадна олон сонирхолтой зүйлс болох гэнэ. Тухайлбал, урлагийн бүтээлүүд, инсталляц, виртуал бодит байдлын үзэсгэлэнгүүд зохиогдохоор болжээ. Үүнээс гадна, найруулагч Дэвид Линчийн бүтээсэн "Twin Peaks" цувралын жүжигчид болох Кайл МакЛоклен ба Лора Дерн нар олон нийттэй яриа өрнүүлэх юм.

Энэхүү том арга хэмжээний тасалбар өчигдөр худалдаанд гараад эхэлсэн бөгөөд цугларсан бүх орлогыг гэр бүлийн хүчирхийллийн хохирогчид, ахмад дайчид, гэмтлийн дараах стрессдэх эмгэгтэй (PTSD) хүмүүст тусламж үзүүлдэг David Lynch Foundation санд шилжүүлэх юм.