Мэтт Дэймоны тоглосон “The Great Wall” киноны анхны трейлер цацагдлаа
Ямар ч Монголчууд байхгүй
Цагаан хэрэм нэртэй 2017 оны хоёрдугаар сарын 17-нд нээлтээ хийх энэхүү уран зөгнөл, адал явдалт киноны трейлерт Монголчууд гарах нь уу гэж бид нүдээ бүлтийтэл хүлээлээ. Гэвч одоохондоо трейлерт бидэнтэй холбоотой юу ч алга
Америк ба хятадын кино компаниуд хамтран бүтээсэн "The Great Wall" киноны гол дүрд жүжигчин Мэтт Дэймон тоглож, найруулагчаар нь Жан Имоу ажиллажээ. Жан Имоугийн хувьд энэхүү кино нь анхны англи хэл дээр бүтээсэн кино болж байгаа юм. Киноны гол дүрд Мэтт Дэймоноос гадна Хонг Конгийн алдарт жүжигчин Энди Лау, Педро Паскаль ба Уиллем Дефо нар тогложээ. Киноны үйл явдал Сүн улсын үед өрнөх бөгөөд Хятадын Цагаан хэрэмний эргэн тойронд болох учир битүүлэг үйл явдлыг өгүүлнэ. Ямартаа ч бидний урд хөрш киног супер хийдэг болсон гэдэг нь удахгүй гарах шинэхэн бүтээлээс тод харагдаж байна.