Эмми 2024: Улаан хивсний шилдэг төрхүүд

Телевизийн салбарын хамгийн чухал арга хэмжээнүүдийн нэг болох 75 дахь удаагийн Эммигийн шагнал гардуулах ёслол Лос-Анжелес хотын Peacock театрт зохион байгуулагдаж эхэллээ. Энэ удаагийн ёслолыг комедиан Энтони Андерсон хөтлөн явуулж байна.

2024 оны Эммид “The Crown”, “The Last of Us”, “The White Lotus”, “Succession”, “Yellowjackets” зэрэг үзэгчдийн дунд ам сайтай байгаа өндөр үнэлгээ бүхий шилдэг уран бүтээлүүд нэр дэвшжээ. Тэр ч утгаараа улаан хивсний ёслолд Педро Паскаль, Рэйчел Броснахэн, Квинта Брансон, Белла Рамзи, Жереми Аллен Уайт гэхчлэн кино урлагийн А зэрэглэлийн одууд хуран цугларсан байна.

Алдартнууд Эммид түлхүү глэм хэв маягаар хувцасладаг уламжлалтай. Клоуи Севинигийн 2009 онд өмссөн Isaac Mizrahi брэндийн шик даашинз, Сара Полсоны 2016 оны Эммид гоёсон ногоон Prada даашинз, Эмма Коррины 2021 оны арга хэмжээнд сонгосон Miu Miu ордны шар даашинз болон малгайны хослол гээд бидний сэтгэлд хоногшсон төрхүүд цөөнгүй. Тэгвэл энэ жилийн улаан хивсний ёслолоор хэний төрх цойлж байна вэ? Сьюки Уотерхаусын бие давхар төрх үү, Жессика Честейны мөнгөлөг унжлагатай Gucci-гийн даашинз уу, аль эсвэл Элизабет Дебикигийн өмссөн Dior-ын кутюр гоёл уу? Уншигч та бүхэн хэсэгхэн зуур ч болов загварын шүүмжлэгчийн дүрд орон өөрсдийн дүгнэлтээ хийж яагаад болохгүй гэж?