Клоуи Грейс Морец, Жессика Чон болон бусад алдартнууд Louis Vuitton-ы Сөүл дахь бүтикийн нээлт дээр
Дэлгүүрийн зураг төслийг алдарт дизайнер Фрэнк Гери гаргажээ
Louis Vuitton брэнд Сөүл хотын Каннам дүүрэгт бүтик дэлгүүрээ нээлээ. Нээлтийн арга хэмжээнд зориулан Инчоны нисэх буудал дээр бүтээлч захирал Николя Жескьер 2020 оны аяллын цуглуулгаа танилцуулсан юм. Шоунд Клоуи Грейс Морец, Жессика Чон, жүжигчин Гон Ю, EXO хамтлагийн гишүүн Сэхүн, реппэр MINO зэрэг алдартнууд уригдан ирсэн байлаа.
Шинэ бүтик дэлгүүрийн зураг төслийг алдарт архитектор Фрэнк Гери, интерьерийг дизайнер Питер Марино нар гаргаснаараа онцлог болжээ. Нумарсан шилэн фасад бүхий барилгын зураг төслийг гаргахдаа Чусоны үеийн дурсгалт газар болох Хуасон цайз болон Солонгос үндэсний бүжгийн цагаан өмсгөлөөс бүтээлч сэдэл авсан болохоо Фрэнк Гери дурдсан юм. Ингээд Louis Vuitton брэндийн Сөүл дахь бүтик дэлгүүрийг дотроос нь харцгаая.
