Орчин үеийн романтизмыг харуулсан Prada-гийн шинэ сурталчилгаа
Намар-өвөл 2019
Prada брэнд намар-өвөл 2019 улиралд зориулсан сурталчилгаагаа цацлаа. "Хайрын Анатоми" хэмээн нэрлэсэн энэхүү сурталчилгаанд романтик харилцаа, сэтгэл хөдлөлийг дүрслэхийг зорьжээ. Сонирхуулахад загвар зохион бүтээгч Миучча Прада намар-өвөл 2019 цуглуулгадаа Франкенштейн болоод түүний сүйт бүсгүй, тэр дундаа тэдний харилцаанаас бүтээлч сэдэл авсан загваруудыг урласан билээ. Түүнчлэн зураг авалтын тайз буюу цэцэг навч дэлгэрсэн хуучин барилгаар дамжуулан хүн ба байгалийн холбоог илэрхийлэхийг зорьжээ. Энэхүү сурталчилгааны гэрэл зурагчнаар Вилли Вандерперре ажиллаж, загвар өмсөгч Сора Чой, Жижи Хадид, Лилиан Коннер, Жин Вейн зэрэг 20 гаруй загвар өмсөгчид оролцжээ.
