Серена Уильямс, Алекс Морган болон бусад тамирчид Nike-гийн шинэ бичлэгт
Спортын одууд хамрагдсан сурталчилгааны үргэлжлэл
Риогийн Олимпийн наадам өндөрлөсөн ч Nike брэнд одоо хүртэл шилдэг тамирчдыг магтан дуулж, Unlimited гэх Олимпийн цувралаа үргэлжлүүлсээр байна
Энэхүү шинэ бичлэгт дээр дурдсан тамирчдаас гадна гимнастикч Симона Байлз, сагсчин Елена Делле Дон, хөнгөн атлетикч Дафне Схипперс ба Шелли-Энн Фрейзер-Прайс болон Пара Олимпийн гүйгч Скаут Бассет нар оролцжээ.
Сурталчилгаанд хамрагдсан эмэгтэй тамирчдыг нэг зүйл нэгтгэж байгаа. Тамирчин бүрт өөрийн өвчин ба айдсыг даван туулж, амжилтын оргил руу тэмүүлсэн түүх бий. Тэд бүгд карьерийнхээ тодорхой нэгэн мөчид бэртэл авсан их спортод эргэн ирж чадсан юм.