Үзэсгэлэнт Кайя Гербер Loewe брэндийн сурталчилгаанд

Loewe брэнд хавар-зун 2020 улирлын сурталчилгаагаа цацлаа. Улирал бүр сонирхолтой, өвөрмөц уур амьсгалтай зураг авалтуудыг дэлгэдэг брэндийн бүтээлч захирал Жонатан Андерсон энэ удаад ч мөн кабуки жүжигчидтэй хамтран сонирхолтой зураг авалтыг хийжээ. Парист байрлах ЮНЕСКО-гийн төв байрны дэргэд дэх цэцэрлэгт хүрээлэнд хийгдсэн зураг авалтад Кайя Гербер оролцсон бол гэрэл зургуудыг зурагчин Фумики Имано даржээ. Харин нүүр хувиргалтыг Пэт Макграт хийж гүйцэтгэсэн байна. Сонирхуулахад Peace Garden буюу Энхтайвны Цэцэрлэгт хүрээлэн хэмээн нэрлэгддэг уг байгууламжийг Японы алдарт архитектор, уран барималч Исаму Ногучи бүтээсэн билээ.