Emmy Awards 2017: Шилдэг төрхүүд
Олон арван алдартнууд дундаас хамгийн гоёмсог хувцаслаж, шилдэг төрх бүрдүүлсэн 12 бүсгүй
Бид өнөөдөр телевизийн салбарын алтан үед амьдарч байна. Цуврал кинонууд бүрэн хэмжээний бүтээлээс ч илүү үнэлэгдэж, томоохон блокбастерын үнээр бүтдэг болсон энэ үед Emmy Awards шагнал гардуулах ёслолын ач холбогдол жил ирэх тусам нэмэгдэж байна. Энэ жилийн телевизийн одод Стивен Колбертын хөтөлсөн ёслолд хүрэлцэн ирэхдээ хамгийн гоёмсог даашинзаа сонгож, улаан хивсийг өнгө өнгөөр гэрэлтүүллээ. Тэр дундаас жүжигчин Сара Полсон саяхан Нью-Йоркийн загварын долоо хоногийн тайзнаа гарсан Carolina Herrera-гийн мөнгөлөг даашинзаар гоёж, хүн бүрийн анхаарлыг татлаа. Мөн Николь Кидман ба Милли Бобби Браун нар Calvin Klein брэндийн тусгай захиалгын загварууд сонгож, дизайнер Раф Симонсын ур чадварыг харуулсан юм. Эдгээр болон бусад алдартнуудын шилдэг төрхүүдийг хамтдаа сонирхоцгооё.
