Сөүлийн загварын долоо хоног дээрх шилдэг street style төрхүүд

Хавар-зун 2020 улирлын Сөүлийн загварын долоо хоног аравдугаар сарын 14-19 өдрүүдэд зохион байгуулагдаж өндөрлөлөө. Эдгээр өдрүүдэд D-Antidote, Moon Lee, Moon J, BESFXXK зэрэг Өмнөд Солонгосын тэргүүлэх брэндүүд шинэ загваруудаа танилцуулсан юм. Сонирхуулахад Сөүлийн загварын долоо хоногийн үеэр маш өвөрмөц шийдэлтэй цуглуулгууд ихээр танилцуулагддаг ба сүүлийн үед энэ арга хэмжээ нь олон улсын байер, редакторуудын анхаарлыг татах болсон билээ. Хавар-зун 2020 загварын долоо хоногт уригдан ирсэн зочдын нэг хэсэг нь шинэхэн трендүүдийг хэрэгжүүлсэн бол бусад нь өөрсдийн өвөрмөц хэв маягийг хувцаслалтаараа дамжуулан гаргасан байлаа. Түүнчлэн үзэмжгүй пүүзийг "тариачны" даашинзтай, тютю хормойтой юбкаг савхин хүрэмтэй хослуулах гэх мэт загварын зоримог шийдлүүд ихээхэн үзэгдлээ.