2015 оны намар-өвөл улирлын дүгнэлт: Нью-Йорк, Лондон

Эхний хэсэг

Намар-өвлийн загварын долоо хоногууд өнгөрч, ирэх сэрүүний улирал болоход хагас жил дутуу байгаа хэдий ч бид таалагдсан цуглуулгуудаас салахад бэлэн биш байна. Тиймээс бүх цуглуулгыг дахин нэг үзэхэд та бэлэн үү. Нью-Йорк, Лондонгоос арван загвар зохион бүтээгчдийг сонгож, тэдэнд урам зориг өгсөн бүх зүйлсийг нэг өгүүлэл болгон эмхэллээ.

Загвар зохион бүтэгчийн самбар дээр хадсан анхны хар зургаас эхлээд эцсийн хувилбар хүртэлх цуглуулга бүтээгддэг тэр бүх үйл явцыг ажиглах үргэлж сонирхолтой. Зарим тохиолдолд хаанаас урамтай санаагаа олсон эх үүсвэр нь тодорхой харагддаг. Жишээ нь Александр Вангийн шинэ цуглуулга нь түүний хэлснээр хүнд метал болон Жим Симмонс нараас урам зориг авсан. Гэхдээ тэр энэ талаар дурьдаагүй байсан ч таахад хялбар байлаа. Мөн Жонатан Андерсоны 1980-аад оны сонирхол болон Lacoste-гийн "Тененбаум гэр бүл" нарын талаар ижил зүйл хэлж болно.

Харин зарим тохиолдолд хайртай загвар зохион бүтээгчийн маань шинэ цуглуулга юунаас урам зориг авсныг нь мэдэхийн тулд урлагийн боловсрол хэрэг болно. Жишээ нь Simone Rocha-гийн шинэ улирлын цуглуулгаас Луиз Буржуа болон түүний "аалзнуудад" үзүүлсэн хүндэтгэлийг олж харахад тийм ч амар биш. Мэдрэмжийн төвшин дээр мөн Миллегийн "Офелия" зургаас урам зориг авч хийгдсэн Канад улсын зураач Адад Ханнагийн бичлэгэн төсөл нь их сонирхолтой болсон. Манай хөдөлгөөнт зургийг сайн харвал Офелиягийн сүүлийн амьсгалыг олж харна.

Lacoste

2015 оны намар-өвөл улирлын дүгнэлт: Нью-Йорк, Лондон (фото 1)