Хайх

Нүхжилттэй арьсны нүүр будалт: Шилдэг бүтээгдэхүүнүүд

Нүхжилттэй арьсны нүүр будалт: Шилдэг бүтээгдэхүүнүүд

Тунгалаг пудр, кушон, праймер болон бусад гайхалтай бүтээгдэхүүнүүд

Text: Buro.Mongolia


Зураг: Buro.Russia

Будагны суурь Optical Illusion, Urban Decay

Нүхжилттэй арьсны нүүр будалт: Шилдэг бүтээгдэхүүнүүд (фото 1)

Нягтрал сайтай төдийгүй өтгөн бүтэцтэй тул бага хэмжээгээр хэрэглэхэд тохиромжтой. Мөн хэрэглэхдээ чийгшүүлэгч тосоо түрхсэний хэсэг хугацааны дараа, тос арьсанд бүхэлдээ уусан шингэхээс өмнө түрхэхийг зөвлөж байна. Уг бүтээгдэхүүн нь жижиг сорвинууд ба нүхнүүдийг бөглөж, арьсны гадаргууг мэдэгдэхүйц хэмжээнд гөлгөр болгоно.

Праймер-мусс PoreRaser, Shu Uemura

Нүхжилттэй арьсны нүүр будалт: Шилдэг бүтээгдэхүүнүүд (фото 2)

Мусс хэлбэрийн энэ праймер нь үрэвсэл дарах, арьсыг нэгэн жигд өнгөтэй болгох зэрэг дөрвөн төрлийн зориулалттай ба төрөл бүр нь тусгай өнгөтэй байдаг. Тослог арьсанд илүү тохиромжтой ба хуурай арьсыг улам хуурайшуулах эрсдэлтэй.

Арьсыг матт бүтэцтэй болгодог стик Blur and Matte Stick, Clarins

Нүхжилттэй арьсны нүүр будалт: Шилдэг бүтээгдэхүүнүүд (фото 3)

Жижиг нүхнүүд, сорвинуудыг дүүргэж, тослог гялбааг арилах үүрэгтэй энэ универсал стик нь бүх төрлийн арьсанд тохиромжтой.

Пудр Sexy Nude Powder, Romanovamakeup

Нүхжилттэй арьсны нүүр будалт: Шилдэг бүтээгдэхүүнүүд (фото 4)

Арьсаа фильтр нэмсэн мэт эффекттэй болгохыг хүсэж байвал энэхүү пудрыг сонгоорой. Нимгэн, тунгалаг түрхэгддэг ба торгомсог бүрхүүл бий болгоно.

Стик хэлбэрийн суурь крем Teint Idole, Lancome

Нүхжилттэй арьсны нүүр будалт: Шилдэг бүтээгдэхүүнүүд (фото 5)

Уг бүтээгдэхүүнийг хэрэглэхдээ хурууны өндгөө ашиглавал илүү тохиромжтой. Ингэснээр бүтээгдэхүүн арьсны улайлт болон үрэвслийг дарахын зэрэгцээ маш нимгэн, байгалийн түрхэгдэх болно. Мөн хуурай биш торгомсог бүтэцтэй тул арьсыг чийглэг, эрүүл харагдуулна.

Кушон Dreamskin, Dior

Нүхжилттэй арьсны нүүр будалт: Шилдэг бүтээгдэхүүнүүд (фото 6)

Холимог арьсанд хамгаас тохиромжтой энэ кушон нь арьсан дээрх нүхнүүдийг дүүргэн бөглөж, өнгийг нь нэгэн жигд болгож, чийгтэй гэрэлтсэн үр дүн бий болгоно. Мөн SPF50 индекстэй тул нарны хорт туяанаас хангалттай сайн хамгаална.

Праймер Instant Matte, YSL

Нүхжилттэй арьсны нүүр будалт: Шилдэг бүтээгдэхүүнүүд (фото 7)

Тослог, үрэвсэлтэй арьсанд тохиромжтой энэхүү праймер нь найрлагадаа салицилын хүчил ба диметикон агуулдаг. Иймээс бүтээгдэхүүнийг хэрэглэснээр себумийн ялгаварлыг тэнцвэржүүлж, арьсан дээрх нүхнүүдээ дүүргэх болно.

Пудр Ultra HD, Make Up For Ever

Нүхжилттэй арьсны нүүр будалт: Шилдэг бүтээгдэхүүнүүд (фото 8)

Байгалийн нүүр будалт хийх дуртай хүмүүст төгс тохирох пудр. Нөсөө толбо, үрэвсэл зэргийг дарах чадваргүй ч арьсыг өдрийн турш матт харагдуулж, будаг урсахаас сэргийлнэ.

Өө дарагч Soft Matte, Nars

Нүхжилттэй арьсны нүүр будалт: Шилдэг бүтээгдэхүүнүүд (фото 9)

Нягтрал сайтай, хагас матт бүтэцтэй энэ өө дарагч нь бүх төрлийн өө сэвийг дарах чадвартай. Өнгөө зөв сонгож чадваас шилдэг хөрөнгө оруулалт болно шүү.

Чийгшүүлэгч праймер The Porefessional, Benefit

Нүхжилттэй арьсны нүүр будалт: Шилдэг бүтээгдэхүүнүүд (фото 10)

The POREfessional гэх сонгодог праймерын шинэчлэгдсэн хувилбарыг Benefit брэнд саяхан танилцуулсан билээ. Шинэ хувилбар нь найрлагадаа илүү их тэжээлийн орц агуулсан бөгөөд арьсан дээр илүү тухтай мэдрэмж төрүүлнэ.

цааш үзэх