Зуны тод өнгөнүүдээс алийг нь сонгохоо мэдэхгүй байна уу? Тэгвэл хүссэн бүх тод өнгөнүүдээ холин tie-dye будалт хийлгэхийг зөвлөж байна. Зуны хамгийн том трендийг маникюр дээрээ буулгасан та гарцаагүй cool харагдана.

1970-аад оны аз жаргалтай, хайхрамжгүй, ретро уур амьсгалыг бий болгох солонгын дүрстэй маникюр эргээд моданд орлоо.

Гараар зурсан цэцгийн дүрстэй маникюр мөн л богемын, аз жаргалтай мэдрэмж төрүүлэх болно.

Жессика Уошик гэх Instagram хэрэглэгчийн сэдсэн "CD хумс" хэмээх тунгалаг, холографик туяатай маникюр бүсгүйчүүд дунд шуугиан тарьж байна.

Анх Moschino брэндийн загварын тайзнаа харагдсан сараачсан дүрслэлтэй маникюр тэр даруйд олны сэтгэлийг булаасан ба өдгөө энэ оны шилдэг будалтуудын нэгээр нэрлэгдэж байна.

Хумсныхаа толийг хоосон зотон даавуу мэтээр төсөөлж яг л Пикассо шиг уран бүтээл туурвиарай.

Өнгөтэй атлаа цэлцэгнүүр мэт тунгалаг хиймэл хумс нь энэ зуны хамгийн сүүлийн үеийн трендүүдийн нэг юм.

Маш жижиг хэмжээтэй асар олон гялалзсан хэсгүүдээс бүрдэх нүд гялбам тод өнгийн будалтыг заавал туршаад үзээрэй. Хумсаа харах төдийд л сэтгэл сэргэх болно.

Неон өнгө тренд болсон талаар бид тоолшгүй олон удаа бичсэн тул дахин давтах шаардлагагүй биз ээ.

Өнгө, өнгийн том шигтгээг яг л титэм мэт гоёмсог хэлбэрт оруулан наах нь хэтрүүлэгтэй харагдаж болзошгүй тул хумсаа богино байлгахыг зөвлөх байна.