Чикагогийн урлагийн институт 50,000 гаруй уран зургийг олон нийтэд нээлттэй болголоо
Өндөр чанартай зургуудыг үнэ төлбөргүй татаж авч болно
Чикагогийн урлагийн институт өөрсдийн цуглуулгад хадгалагдаж буй алдарт уран бүтээлчдийн бүтээлүүдээс бүрдсэн онлайн архивыг олон нийтэд нээлттэй болгожээ. Ингэснээр хүмүүс тус архивд хадгалагдаж байгаа 52,000 уран зургийг үнэ төлбөргүй татаж авах боломжтой болж байна. Тэдгээр бүтээлүүдийн дунд Пабло Пикассо, Винсент Ван Гог, Дэвид Хокни, Василий Кандинский, Клод Моне болон бусад суут уран бүтээлчдийн бүтээлүүд багтаж байгаа аж. Мөн уран зургаас гадна уран баримал болон бусад урлагийн объектуудын гэрэл зургууд ч дэлгэгдсэн байна.
Олон нийтэд нээлттэй болсон бүх зургуудыг та Чикагогийн урлагийн институтийн албан ёсны вебсайтаас харж болно. Харин сонирхсон бүтээлээ та тус вебсайтын хайлтын системээс өндөр чанартайгаар татаж авч болох юм. Үүнээс гадна бүтээл бүрийг богино тайлбар дагалдаж байна. Ингээд тус архивд байршсан зарим нэг уран зургуудыг харцгаая.
