Kygo анхны цомгоо гаргалаа

Жирийн нэг SoundCloud-ын хэрэглэгч Kygo гэдэг нэрийг сонсоогүй байж болох ч түүний SoundCloud дээр тавьсан дуу бүр дор хаяж 100,000 хүнд таалагддаг. Гэхдээ түүний "Stole the Show" дууг сонсоогүй хүн байхгүй гэдэгт итгэлтэй байна. Мөн түүний энэхүү дууны сансрын нисгэгчтэй клипийг үзээгүй хүн бараг байхгүй л болов уу. Харин энэ хооронд Kygo Том Оделл, Жон Леженд, Foxes болон бусад уран бүтээлчидтэй хамтарч шинэ цомгоо хийжээ.

Kygo-гийн карьер асар хурдтай эхэлсэн юм. Тэрээр анх Эд Ширан, Coldplay хамтлагийн дуучин Крис Мартин болон Avicii нарын дууг ремикс хийж гарч ирсэн бөгөөд үүний дараагаар уран бүтээлчид өөрсдөө Kygo-гоос тэдний дуунуудыг микс хийж өгөхийг хүссэн гэдэг. Өнгөрсөн жил Kygo Чикагод болсон Lollapalooza хөгжмийн наадмын онцлох уран бүтээлч болсон бол энэ жил тэр шинэ Cloud Nine цомгоо гаргалаа. Kygo-гийн хөгжмийг ихэвчлэн tropical house урсгалд ангилдаг. Түүний дуунууд маш эрч хүчтэй, хэмнэлтэй тул та радиогоор, бааранд, эсвэл фитнесс клубт дасгал хийж байх үеийн алинд ч сонсож болно.