14 төрлийн мөрөөдлийн даашинз: Oscar de la Renta, хуримын цуглуулга

Хавар-зун 2019 улирлын хуримын цуглуулгад Фернандо Гарсия ба Лаура Ким нар Энэтхэг хатгамал, цацаг, өд, кафтан маягийн эсгүүр, Марокко улсын өнгө аяс гээд маш олон төрлийн зүйлсийг уусган нэгтгэсэн байлаа. Гэсэн ч дизайнерууд брэндийн үүсгэн байгуулагч Оскар де ла Рентагийн алдарт хэв маягийг алдагдуулалгүй бүхэлдээ маш цэмцгэр харагдах, сонгодог өнгөтэй даашинзууд бүтээжээ. Цуглуулгад багтсан нийт 14 даашинз бүгд хоорондоо ялгарах өвөрмөц хийцтэй тул сүйт бүсгүй бүр өөрт таалагдах загварыг олох биз ээ.