1990-ээд оны алдарт The Face сэтгүүл дижитал хувилбараар гарна
Кейт Моссын карьерыг эхлүүлсэн сэтгүүл
Их Британийн The Face сэтгүүл 13 жилийн дараа дахин амилах гэж байна. Гэхдээ энэ удаад сэтгүүл хэвлэгдмэл биш, харин онлайн вебсайт хэлбэрээр гарах болно. 1990-ээд оны энэхүү алдарт сэтгүүлийг Wasted Talent компани шинэчлэхээр болжээ. Тэд шинэ төслийг video-first нэртэй стратегийн дагуу хөгжүүлэх бодолтой байгаа бөгөөд Youtube тавцан дээрх бичлэгүүд дээр төвлөрч, олон нийтийн сүлжээнд зориулсан контент бэлдэх аргачлалаар ажиллах гэнэ.
The Face сэтгүүлийг анх 1980 онд сэтгүүлч Ник Логан үүсгэн байгуулсан байдаг. Энэхүү сэтгүүл нь 15 настай Кейт Моссын карьерыг эхлүүлж байснаараа алдартай юм.