Critics Choice Awards 2022: Улаан хивсний шилдэг төрхүүд

Өнгөрсөн шөнө 27 дах удаагийн Critics Choice Awards кино наадмын шагнал гардуулах ёслол болж өнгөрлөө. Үдшийн хамгийн чухал шагнал болох "Шилдэг кино"-г “The Power of the Dog” бүтээл хүртсэн бол тус киног бүтээсэн Жейн Кэмпион "Шилдэг найруулагч" болжээ. Харин шилдэг эмэгтэй жүжигчнээр Жессика Честейн (“The Eyes of Tammy Faye”) шалгарч, шилдэг эрэгтэй жүжигчнээр Уилл Смит (“King Richard”) сонгогдсон байна.

Тус наадмын улаан хивсний ёслолд оролцдог алдартнууд жилээс жилд гоёмсог хувцаслалтаараа үзэгчдийг алмайруулдаг уламжлалтай ба энэ удаад ч бүрдүүлсэн төрхүүдээрээ хүлээлтийг давж чадсан юм. Ёслолд оролцохоор дэлхийн өнцөг булан бүрээс зочид хуран цугларсан бөгөөд тэдний дунд өнгөрөгч онд олныг шуугиулсан “Squid Game” цувралын жүжигчин Жон Хо Ён Louis Vuitton ордны алтлаг даашинзаар гоёж, Ли Жон Жэ Gucci брэндийн классик загвартай хар хослол өмссөн байлаа. Мөн саяхныг хүртэл олон нийтийг хамаарсан арга хэмжээнүүдэд оролцоогүй дуучин, жүжигчин Селена Гомес Louis Vuitton-ы нөмрөгтэй улаан даашинз өмсөж олны анхаарлыг татсан юм. Түүнчлэн уг ёслолоос Леди Гагагийн сонгосон Gucci-ийн хар болон алтлаг өнгө хослуулсан урт даашинз онцгойрлоо. Ингээд ёслолд хүрэлцэн ирсэн зочдын шилдэг төрхүүдийг хүлээн авна уу.