Gucci-гийн шинэ моделиор 79 настай жүжигчин Ванесса Редгрейв тодорлоо

Зургаадугаар сарын эхэн өдрүүдэд Лондонгийн Вестминстерийн сүмд зохион байгуулагдсан Алессандро Микелегийн аяллын шоуг та бүхэн бидний бэлдсэн тоймоос сайн санаж байгаа биз ээ. Түүний цуглуулга Англи улсын панк болон Виктория хатны эрин үеийн готик хэв маягтай болсон юм. Нэг үгээр бол Gucci-гийн аяллын цуглуулга Англи улсад зориулагдсан хайрын захидал байсан билээ.

Уг цуглуулгынхаа сурталчилгааны зураг авалтыг Микеле дөнгөж саяхнаас эхлүүлж байгаа бөгөөд тэрбээр сурталчилгааны загвар өмсөгчөөр Жижи Хадид эсвэл Кендалл Женнер шиг залуу "It" охидыг биш, харин Их Британий театрын хатан хаан гэгддэг жүжигчин Ванесса Редгрейвийг сонгожээ. Редгрейв хэд хоногийн өмнө Английн "Chatsworth House" ордонд зохиогдсон зураг авалтад оролцож, зураг авалтынхаа үеэр Gucci-гийн албан ёсны Snapchat-ыг хөтөлж, шинэ сурталчилгааны хэд, хэдэн нууцаас дэлгэсэн байгаа.

 

Vanessa Redgrave captured in the grounds of Chatsworth House, is live with a story on Gucci’s #Snapchat account. Home to the Duke and Duchess of Devonshire, the historical estate is the setting for the Cruise 2017 campaign, which features the English actress. Follow her story on the campaign's shoot live on Gucci’s Snapchat account. #AlessandroMichele #GucciPlaces #VanessaRedgrave

A photo posted by Gucci (@gucci) on Jul 3, 2016 at 7:12am PDT