Рианна дотуур хувцасны анхны цуглуулгаа танилцууллаа

Дуучин Рианна TechStyle Fashion Group компанитай хүчээ нэгтгэн Savage x Fenty нэртэй дотуур хувцасны цуглуулга гаргалаа. Шинэ цуглуулга нь body positivity буюу өөрийгөө байгаагаар нь хүлээж аван хайрлах хөдөлгөөнийг дэмжсэнээрээ онцлог болж байгаа юм.

"Миний хувьд одоо байгаа хязгаарыг тэлж, дэлхийн эмэгтэй бүрт зориулан дотуур хувцас бүтээх нь их чухал байсан. Хүн бүр өөрийгөө сайхан мэдэрч, цагийг зугаатай өнгөрүүлж, төрөл бүрийн стиль туршиж үзээсэй гэж би хүсэж байна" хэмээн Рианна тайлбарлажээ.

Savage X Fenty цуглуулгад 32А хэмжээнээс эхлээд 44DD хүртэл, мөн XS-ээс эхлээд 3X хүртэлх сонголтууд бий. Мөн цуглуулга Reg (майка ба хөхний даруулга), U Cute (торон оруулгатай дотуур хувцас), Damn (корсет ба боди) болон Black Widow (хайчилбартай дотоож) гэх дөрвөн хэсэгт хуваагджээ. Түүнчлэн "Fifty Shades of Grey" хэв маягтай гялалзсан гав, атласан материалтай уяа, нүүрний маск ба бүс гэх аксесуарууд цуглуулгад багтсан байгаа.