Street style дуран: Стокгольмын загварын долоо хоног, намар-өвөл 2022

Стокгольм хотод намар-өвөл 2022 улирлын загварын долоо хоног саяхан болж өндөрлөлөө. Энэ удаад Filippa K, H&M Studio, Stand Studio болон саяхан үүсгэн байгуулагдсан Teurn Studios брэндүүд шинэ цуглуулгуудаа толилуулсан билээ. Загварын ертөнцөд үргэлж шинэлэг, өвөрмөц уур амьсгал оруулдаг Скандинав залуус хотын гудамжаар алхахдаа үслэг шуба, хөвсгөр куртка, oversize пальто, ноосон цамц зэргээр төрхөө бүрдүүлсэн байлаа. Зочдын хувцаслалт дунд beige, шар, саарал, гүн ногоон, классик хар, улаан өнгөнүүд зонхилсон бөгөөд минималист хувцаслалт болон сул эсгүүртэй загваруудыг түлхүү сонгожээ. Харин аксесуарын хувьд төрөл бүрийн загвартай малгай, гинжин хүзүүний зүүлт, арьсан бээлий, металлик өсгийт, том хүрээтэй нарны шил, маш өргөн ороолтууд давамгайлсан байна.

Ингээд доорх зургуудаас сүүлийн саруудад маш өндөр эрэлттэй байгаа moon boot, шовх хоншоортой гутал, сул загварын өмд, олон давхар элемент болон бусад хувцаснуудаар хэрхэн төрхөө бүрдүүлж болохыг хамтдаа үзэцгээе.