Street style: Парисын кутюр загварын долоо хоног, хавар-зун 2017
Haute Couture
Бидний энэ удаагийн street style сурвалжилга загварын марафоны хамгийн чухал зогсоол болох үзэсгэлэнт Парис хотоос үргэлжилж байна. Нэгдүгээр сарын 22-26-ны хооронд зохион байгуулагдсан кутюр загварын долоо хоногийн үеэр Парисын гудамжаар салбарын хамаг л нөлөө бүхий хүмүүс алхлаа. Доорх зурагнуудаас харахад Vetements брэндийн oversize эсгүүртэй, Зөвлөлтийн үеийн хэв маягтай хувцаснууд одоо хүртэл гудамжны стильд ноёрхож байгаа нь илт мэдэгдэх болно. Зочид ерөнхийдөө тод өнгийн, том хэмжээтэй гадуур хувцас, өвөрмөц деталь бүхий гар цүнх ба шулуун хэлбэрийн жийнсэн өмдөөр гоёсон байлаа.
